Akademiku dhe profesori Artan Fuga, i është rikthyer edhe një herë, debatit për tezën e gjuhës dhe letërsisë në maturën shtetërore 2020, duke konstatuar se, nuk kishte vetëm luhatje në interpretime subjektive ngatërrestare, por edhe pyetje naive.
Fuga thotë, se kjo jep mundësi që nxënësit e shkëlqyer të injorohen dhe të përfitojnë të privilegjuarit nga prindërit.
Sipas tij, me këtë skemë lihen në injorancë fëmijët e kombit dhe i jepet mundësi fëmijëve të të privilegjuarve që studiojnë jashtë, të mbledhin në familjet e tyre pushtet, pasuri dhe arsim.
Statusi i plotë:
Teza e gjuhës dhe e letërsisë, nuk kishte vetëm luhatje në intepretime krejt subjektive, jo vetëm ishte ngatërrestare, por edhe me pyetje naive, si a është përgjigje e saktë: Ai hipi në pemë dhe mblidhte gurë!!! 🙂
Ky infantilizëm krijon mundësi që nxënësit e shkëlqyer të injorohen dhe të përfitojnë lloj-lloj nxënësish të privilegjuar nga prindërit, por që nuk duan të mësojnë!
Kështu, ne lemë në injorancë fëmijët e kombit dhe japim mundësi që fëmijët e të privilegjuarve që studiojnë jashtë, të mbledhin në familjet e tyre pushtet, pasuri dhe arsim!
Kjo politikë është antikombëtare!
VAZHDO TË LEXOSH MË TEPËR PËR TEMËN
Ankesat e maturantëve, reagon Komiteti i Maturës Shtetërore 2020
