Dhjetëra raca inteligjente aliene mund të jenë duke jetuar së bashku me ne në Rrugën e Qumështit, pretendon një studim.
Pyetja nëse ka forma të tjera të jetës brenda Universit tonë ka shqetësuar prej kohësh shkencëtarët. Tani studiuesit e Universitetot të Nottingham, sipas “Daliy Mail”, kanë ndërmarrë një qasje të re për të vlerësuar numrin e civilizimeve të mundshme jashtëtokësore, duke përdorur supozimin se jeta inteligjente zhvillohet në planetë të tjerë në një mënyrë të ngjashme si ajo në Tokë.
Ata llogaritin se galaktika jonë mund të ketë të paktën 36 raca të huaja inteligjente të afta për të dërguar sinjale radio në hapësirë.
Por ata thonë se distanca mesatare ndaj civilizimeve të tilla ka të ngjarë të jetë 17,000 vite dritë, duke e bërë zbulimin dhe komunikimin ‘shumë të vështirë’ me teknologjinë tonë të tanishme.
Ekipi zhvilloi një model të ri për të vlerësuar numrin e racave inteligjente të huaj në galaksinë tonë, të cilën ata e quajnë kufiri Astrobiologjik Kopernican.
Modeli supozon se duhen rreth pesë miliardë vjet që jeta inteligjente të formohet në planetë të tjerë, si në Tokë, dhe se këto planetë orbitojnë një yll me një përmbajtje të lartë metalike ashtu si Dielli.
Kjo ndryshon nga teknikat tradicionale, të cilat mbështeten në bërjen e supozimeve të vlerave në lidhje me jetën, ku mendimi ndryshon në mënyrë thelbësore, sipas studiuesve.
