Pasi një historie suksesi në lidhje me koronavirusin, Hong Kong po përballet sërish me një shpërthim të fortë të rasteve të reja, dhe politikë-bërësit po kuptojnë se sa pak mund të bëjnë pa e bërë situatën më të keqe së sa është.
Infeksionet e reja kanë thyer rekorde në nëntë nga 20 ditët e fundit. Por ndryshe nga qytetet e tjera globale, Hong Kong ka nguruar të imponojë kufizime të qëndrimit në shtëpi ose të mbylli bizneset jo-thelbësore. Përkundrazi, rregullat janë forcuar gradualisht, duke ndryshuar gjatë javës. Mbledhjet publike ishin të kufizuara deri në katër persona, pastaj kaluan deri në dy. Darkat në restorante u ndaluan më pas edhe dreka. Maska kërkohej në transportin publik, pastaj në të gjitha hapësirat publike të mbyllura, tani kudo edhe jashtë.
Kjo lloj linje në vendosjen e masave kufizuese shkon kundër asaj që ka treguar historia e shkurtër e pandemisë: bllokime të gjera dhe të rrepta të vendosura herët në kurbën e infeksionit. Në Australi dhe vende të tjera që luftojnë aktualisht me virusin, zyrtarët kanë rikthyer shpejt kufizimet e forta.
Ndërsa është akoma modeste në krahasim me shpërthimet në shumë qytete globale, prirja në Hong Kong është veçanërisht shqetësuese, duke mbërritur pas muajsh me transmetim të komunitetit gati-zero dhe nga origjina akoma e pashtershme – saktësisht rrethanat në të cilat mendohet se kufizimet më të forta të jetë më efektive.
Por të shkosh më tej në Hong Kong mund të çojë në një krizë humanitare. “Është jashtëzakonisht e vështirë të zbatosh një bllokim në Hong Kong,” tha Fernando Cheung, një ligjvënës vendas. “Ka më shumë se 200,000 njerëz që jetojnë në njësi të ndara, disa pa tualete private dhe të tjerë që kombinojnë kuzhinat e tyre, tualetet dhe vendet e fjetjes të gjitha në një dhomë. Të kërkosh njerëzit të mos largohen nga ai mjedis për një periudhë të gjatë kohore është çnjerëzore dhe jopraktike. ”
Me një apartament mesatar prej rreth 46 metra katrorë – me madhësinë e një studioje të qytetit të Nju Jorkut – nuk janë vetëm 1.4 milion banorët e varfër të qytetit që jetojnë në hapësira të vogla. Frigoriferët janë shumë të vegjël, hapësirat e rafteve janë shumë të kufizuara për rezerva ushqimi me vlerë vetëm një javë. Dhe ndërsa porositja e sendeve ushqimore në internet është bërë standarde në qytetet e tjera moderne, nuk është e zakonshme ose e lehtë në Hong Kong.
Në gjendjen e tij aktuale të brishtësisë politike dhe ekonomike, Hong Kong nuk mund të vendosë pengesa të rënda për të eliminuar të gjitha rastet ashtu si bën Kina kontinentale, tha Lam Ching Choi, një mjek dhe këshilltar mjekësor, pasi kjo do të sillte një situatë akoma dhe më të keqe se sa shtimi i rasteve me koronavirus në vend.(Bloomberg)
VAZHDO TË LEXOSH MË TEPËR PËR TEMËN
Analiza/ Efektet pozitive, që nxisin katastrofat tek njerëzimi
Britania: Kina duhet të japë llogari për koronavirusin!
Bota në panik, Kina përballë një bumi investimesh
