Është e konfirmuar tashmë se Noizy dhe Dhurata Dora do publikojnë një këngë së bashku.
Këtë e ka pohuar vetë reperi mbrëmjen e djeshme kur ishte i ftuar në NIN, ku edhe foli për shumë të pathëna.
Kujtojmë se ata janë përfolur shpesh për një bashkëpunim të mundshëm, por nuk kishin pranuar asgjë deri mbrëmjen e së hënës.
Madje një vit më parë një foto e tyre bëri xhiron e rrjetit.
Vlen të theksohet se të dy kanë qenë mjaft aktivë këtë verë.
Dhurata ka publikuar 3 projekte, një solo “Ferrari” dhe dy bashkëpunim me Azetin “Fajet” dhe “Xhep Remix”.
Të treja këngët kanë shkaktuar jo pak impakt te publiku, duke u kthyer në hite.
Noizy nga ana tjetër, e nisi sezonin me një super bashkëpunim me Mato Lale duke sjellë këngën “Adrenalina” dhe fill pas tij solli super bashkëpunimin me dy reperët e njohur Gzuz dhe Dutchavelli, të titulluar “All dem talk” që rezultoi një sukses i vërtetë.
Një muaj më parë Noizy ka publikuar “Digital Love”, që u pasua nga “Party turn up” dhe karakterizohet nga ngjyrat verore dhe duket se do i shtohet listës së hiteve.
E kur menduam se tërë këto ishin mjaftueshëm për verën 2020, më 22 gusht Noizy ka sjellë një bashkëpunim me S4MM.
Si një super surprizë, reperi i famshëm ka publikuar në fund të gushtit një duet me artistët ndërkombëtar Dappy dhe Ay Em, të titulluar “Expensive Touch”.
