Zbardhen detaje të reja nga operacioni ndërkombëtar anti-drogë “Los Blancos”, që çoi në pranga pesë trafikantë shqiptarë.
Të arrestuar janë shtetasit Gentja Manajn në Tiranë, Elvis Jaupajn dhe Jorin Llambron në Vlorë, Rexhino Ibrahimin në Durrës, dhe Vladimir Lesajn në Lezhë, ndërsa nga super-aksioni në disa shtete janë sekuestruar 4 tonë kokainë dhe 5.5 milionë euro.
Mësohet se “koka” e këtij karteli shqiptar të trafikut ndërkombëtar të drogës ka qenë Gramoz alias Dritan Rexhepi. Ky i fundit është një emër i njohur për drejtësinë shqiptare, pasi lidhet me rrëmbimin i 47-vjeçarit Jan Prenga.
Dritan Rexhepi ka dhënë porosinë për rrëmbimin dhe vrasjen makabre të tij, më 17 janar 2020, në Kamëz. Aktualisht, Rexhepi ndodhet në një burg të sigurisë së lartë në Ekuador, për trafik ndërkombëtar droge. Gjithashtu, emri i Dritan Rexhepit është i skeduar në Shqipëri edhe për vrasjen e disa policëve në Krujë.
VAZHDO TË LEXOSH MË TEPËR PËR TEMËN
U mor peng në Kamëz pak ditë më parë, konfirmohet vdekja e Jan Prengës
Vrasja e Jan Prengës/ Policia gjen prova të reja
“Ja çfarë bëra me trupin e pajetë të Jan Prengës”
