“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A i dëmtojnë pastat me qymyr dhëmbët?
Mjeku: Pasta dhëmbësh me qymyr? Ka shumë persona që ndoshta nuk e kanë dëgjuar dhe nuk e dinë për çfarë shërben qymyri dhe shumë të tjerë të cilët e kanë përdorur. Këto lloj pasta dhëmbësh përdoren për zbardhjen e dhëmbëve, madje ka edhe furça dhëmbësh me qymyr.
Por sa efekt japin këto produkte? Në fakt, nuk ka asnjë provë shkencore që mbështet efektet që mendohet se kanë këto produkte me qymyr në shëndetit oral. Qymyri që përmbajnë pastat e dhëmbëve mund të shkaktojë irritim të mishrave të dhëmbëve. Një efekt tjetër është dëmtimi i smaltit (shtresa e jashtme e dhëmbëve) për shkak të përbërjes gërryese që kanë.
Stomatologët këshillojnë që nëse doni një zbardhim të dhëmbëve, duhet t’i drejtoheni klinikës dentare, sepse larja e shpeshtë e dhëmbëve me pasta që përmbajnë qymyr mund t’i dëmtojë dhëmbët, në vend që t’i zbardhë dhe t’i mbrojë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A duhen hequr dhëmbët e pjekurisë?
A ka pasoja për trupin mbushja e dhëmbëve me mërkur?
