Përplasje janë shënuar sot në Kuçovë, ku banorët e fshatit Lumas janë konfrontuar me policinë pasi kundërshtojnë projektin në burimin e Sinecit.
Banorët janë kundër shfrytëzimit të ujit të burimit për një ujësjellës të bashkisë.
Banorët e Lumasit kanë bllokuar punën e mjeteve të firmës, duke bërë që të pezullohet puna dhe të ketë përplasje me policinë. Paraprakisht raportohet për një person të lënduar.
Sipas banorëve projekti është bërë pa u konsultuar me ta dhe është shpallur edhe firma fituese, e cila ka filluar edhe punimet.
Po ashtu ata pretendojnë se burimi përdoret prej shekujsh për vaditjen e tokave dhe për kafshët dhe nuk do të lejojnë vijimin e projektit.
Mësohet se banorët kanë hartuar një peticion dhe do të hedhin në gjyq bashkinë e Kuçovës.
VAZHDO TË LEXOSH MË TEPËR PËR TEMËN
Banorët e fshatit Lumas sërish në protestë kundër ujësjellësit të ri
