Spanja vuajti shumë në ndeshjet me eliminim direkt në Euro 2020, duke i zgjidhur sfidat në shtesë, madje të fundit ndaj Zvicrës me penallti. Por nëse iberikët janë në ditë mirë, ata shpërthejnë me gola.
Rasti më i fundit ishte ndaj Sllovakisë, teksa Spanja fitoi 5-0, teksa kishte marrë dy barazime në fazën në grupe. Furia e kuqe nuk ndalet nëse të vë për poshtë.
Këtë e provoi edhe Gjermania një vit më parë, teksa u mposht 6-0, sfidë e vlefshme për Ligën e Kombeve. Edhe Shqipëria e ka provuar forcën e Spanjës. Përveçse nuk ka fituar asnjë ndeshje, kuqezinjtë humbjen më të thellë në ndeshje zyrtare e kanë pikërisht ndaj spanjollëve.
Në eliminatoret e Euro 92’, Spanja mposhti 9-0 kombëtaren shqiptare, sfidë e luajtur në Sevilla më 19 dhjetor 1990. Butrageno shënonte 4 gola. Gjithsesi, Spanja nuk arriti të kualifikohej në Evropian, teksa në 92 mungoi edhe Italia. Për ironi të fatit, Danimarka u shpall kampione e Evropës në vitin 1992.
VAZHDO TË LEXOSH MË TEPËR PËR TEMËN
