17.04.2022 - 19:25
Përcaktohet çifti finalist i FA Cup. Është skuadra e Chelseas që siguron finalen pas Liverpool. Blutë e Londrës fituan në shtëpi 2-0 ndaj Crystal Palace dhe tashmë mbeten në garë për të vetmin trofe këtë sezon.
Chelsea vuajti në pjesën e parë, që u mbyll pa gola. Në të dytën, Ruben Loftus-Cheek gjeti golin e parë në 65’, ndërsa Mount në 76’ shënon golin e dytë dhe të sigurisë. Blutë menaxhojnë mirë sfidën deri në fund.
Finalja do të luhet më 14 maj në Wembley. Interesant fakti që Liverpool dhe Chelsea u ndeshën edhe në finale të Carabao Cup, ku triumfuan të kuqtë me penallti. Skuadra e Jurgen Klopp është e vetmja në Evropë që lufton për katër trofe, teksa njërin e ka fituar.
