Pas skandalit të përgjimeve në Spanjë për organizimin e Superkupës së Spanjës, vetë protagonisti Gerard Pique shpjegoi procedurën me kompaninë Cosmos, ku ai është aksioner. Sipas tij, nuk ka asgjë të paligjshme, përveç përgjimeve të “El Confidencial”.
Pse Cosmos figuron vetëm në cep të kontratës?
Cosmos e ndihmon Sela dhe jo RFEF. Në nivel avokatësh dhe kontratash nuk e di si funksionon. E kuptoj që është pjesë e kontratës me Sela, por puna merret përsipër nga avokatët tanë. Kontrata ekziston dhe nëse është aneks është në kontratë.
A mendoni se dikush tjetër mund ta kishte trajtuar negocimin? Pas publikimit të audios, a jeni penduar?
Mund të jetë kështu, por duke kuptuar marrëdhënien që kam me presidentin, e kuptoj që duhej të isha unë. Nuk jam penduar, mendoj se kemi bërë një punë shumë të mirë. Kemi bërë një punë të madhe dhe besoj se nuk është bërë asgjë e keqe, ligjërisht apo moralisht.
A e bëjnë futbollin më shumë paratë apo tifozët? Për para, Superkupa dërgohet në Arabi. A do ta konsideronit etike të merrnit diçka aty ku nuk respektohen të drejtat e njeriut?
Futbolli është për tifozët, por ata janë në të gjithë botën. Kjo do të thotë se të gjithë mund ta përjetojnë atë “live”. Tifozi nuk është vetëm nga i njëjti vend. Ka klube globale. Sjellja e futbollit kudo ndihmon për të marrë më shumë tifozë. Në pjesën tjetër, RFEF është drejtuesja e garës, mendimi im ka pak rëndësi.
A ishte klubi në dijeni të këtyre negociatave?
Bartomeu me siguri e dinte, si në çështje të tjera.
Një marrëveshje që ndihmon futbollin modest…
Falë kësaj marrëveshjeje, ekipet e kategorisë së parë, të dytë dhe të tretë në Spanjë mund të kenë ndihma, që nuk do t’i kishin ndryshe.
A nuk mendoni se konflikti i interesit mund të vijë nga pala tjetër, nga RFEF? Mendoni se për një marrëveshje të tillë presidenti i RFEF do t’i thotë diçka një arbitri?
Ndaj Real Sociedad B, Andorra ime u eliminua, duke na lënë me nëntë lojtarë në fushë dhe një penallti kundër. Presidenti duhet të luftojë për të gjeneruar sa më shumë para. Kjo ndodh në çdo kompani. Nuk do të heq dorë nga diçka me të cilën argëtohem. Unë kurrë nuk kam ndaluar së bëri diçka për shkak të asaj që njerëzit thonë. Unë e di se çfarë kam bërë.
Cilat janë arsyet për të hyrë në këtë lloj biznesi?
Unë nuk jam futur në të për paratë, mund ta kaloj gjithë jetën time shtrirë në një divan pa bërë asgjë. Në këtë shoqëri, të fitosh para do të thotë sukses dhe më pëlqen të jem i suksesshëm në çdo gjë që bëj. Me këto 40 milionë paguhen shumë klube më poshtë.
Superkupa e Italisë është luajtur më parë në Arabinë Saudite dhe ata paguhen shtatë milionë për një kompeticion të ngjashëm. Me ndryshimin e formatit na paguajnë 40 milionë, sepse kemi siguruar gjysmëfinale dhe finale, me tri ndeshje.
Kur dolën audiot e Florentino Perez, ju ishit shumë aktiv për t’i bërë njerëzit të flisnin për to. A nuk është jokoherente të ankohesh tani?
Unë nuk jam ankuar në “El Confidencial”. Nëse i kanë ato audio, është normale që t’i nxjerrin.
Kush mund të jetë personi i interesuar për t’i filtruar këto audio?
Nuk do të përmend askënd, sepse këtë do ta thotë drejtësia, nëse e vërteton. Po ashtu edhe gazetarët.
A do të merrni masa ligjore kundër kujtdo që ka marrë audiot?
Po, mendoj se presidenti e ka bërë tashmë padinë.
A keni folur me Rubiales?
Po, sepse isha i shqetësuar se çfarë do të thoshin. I thashë se duhet të jemi shumë të qetë. Do të vija dorën në zjarr se nuk ka përfituar asnjë komision për vete. Është i sinqertë dhe fisnik. Nuk e di se çfarë do të dalë. Mendoj se po flitet për Mbretin Emeritus, megjithëse nuk e njoh. Unë ende e pyeta nëse mund të na jepte një dorë.
A mendoni se beteja është kundër Pique?
Mendoj se nuk ka asnjë fushatë kundër meje, ata gërmuan për presidentin e RFEF dhe gjetën këtë. Nuk është e zakonshme që një lojtar të përfshihet në këtë lloj biznesi, por kjo ndodh sepse lojtari zakonisht nuk iu përkushtohet këtyre gjërave. Më pëlqen dhe kaloj mirë.
Nëse një lojtar madrilen do ta kishte bërë këtë…
Çdo rast është një botë, nuk dua ta vë veten në atë rast. Gjëja e dukshme është se bëhet fjalë për një rrjedhje keqdashëse dhe lajmet bëhen për sensacion, ishin të tilla edhe disa vite më parë.
A ka më shumë marrëveshje me RFEF?
Zyrtarisht komisionin e marrim nga Sela, kompani e Qeverisë së Arabisë Saudite. Në asnjë rast nuk tarifojmë nga RFEF. Unë nuk kam marrëdhënie biznesi me RFEF.
Si ndodhi filtrimi i audios?
“El Confidencial” më telefonoi tri ditë më parë për të më thënë se gjërat do të dalin në dritë shpejt. Është plotësisht e ligjshme. Ne mund të debatojmë nëse është moralisht korrekte. E vetmja gjë e paligjshme është të marrësh disa audio, t’i filtrosh pa interes. Ky është një m*t i vërtetë.
Në vitin 2019 ky lajm tashmë kishte dalë, kemi folur tashmë për komisionin. Nuk ishte lajm dhe tani nuk është. Nuk do të përmend askënd, më së paku Tebas, i cili bën punë edhe me Ligën. E bëjmë edhe me ta, edhe me UEFA-n. Ne sjellim opsione biznesi dhe të gjithë janë të interesuar. Nuk e kam problem ta shpjegoj.
Marrëdhënie të mira me Rubiales…
Rubin do ta quaj se kam një lidhje me të, ai ishte presidenti im kur luaja për kombëtaren. Kam një marrëdhënie të mirë me Busquets, Alba dhe Nacho. Unë e di se si të ndaj një marrëveshje tregtare me lojën e futbollit. Asnjëherë në jetë nuk do të kërkoj ndihmë ose do të më japin. Një marrëveshje tregtare nuk do të ndikojë në këtë raport.
A është komisioni normal?
Në botën ku ne operojmë, 10% është treg dhe relativisht i ulët. Mund të lëvizë me 15% ose 20%. Është një shifër sipas asaj se çfarë kërkojnë të gjitha agjencitë për një menaxhim të tillë
VAZHDO TË LEXOSH MË TEPËR PËR TEMËN
