Tenisti serb Novak Djokovic vijon të mos fitojë ndonjë turne këtë sezon, duke zhgënjyer edhe në shtëpinë e tij. Para fansave të tij, ai u mund 2-1 (6-2, 6-7, 6-0) në finalen e turneut të Beogradit nga rusi Andrey Rublev.
Nga numri 1 në botë për meshkuj pritej diçka më shumë në këtë turne, por Djokovic është shumë larg atij kampioni që nuk dorëzohej. “Nuk kisha më energji në setin e tretë, me kishte mbaruar benzina”, – u shpreh Djokovic.
Këtë sezon, Djokovic ka luajtur shumë pak ndeshje dhe shpesh është eliminuar që në sfidat e para. Turneu i Beogradit ishte i pari që ai arrinte të shkonte deri në finale. Nuk dihet ende nëse serbi do të luajë në turne Masters të Madridit dhe Romës.
The moment when @AndreyRublev97 defeated the reigning World No. 1 for the first time 🙌@SerbiaOpen2022 | #SerbiaOpen pic.twitter.com/dGhqiRt1zl
— ATP Tour (@atptour) April 24, 2022
Pikërisht organizatorët e turneut të Romës mund të marrin një vendim për të ndaluar pjesëmarrjen e tenistëve rusë e bjellorusë (si pasojë e pushtimit të Ukrainës). Një vendim të tillë ka marrë para disa ditësh edhe grand slam i Ëimbledon, që zhvillohet në qershor në Londër.
VAZHDO TË LEXOSH MË TEPËR PËR TEMËN
