Liverpool ka fituar 2-0 ndeshjen e parë gjysmëfinale të Champions League ndaj Villarreal. Për këtë sfidë të Anfield, rezultati nuk tregon gjithçka, pasi të zotët e shtëpisë vuajtën jo pak.
Kërcënimi i parë i të kuqve do vinte në minutën e 14-të. Një goditje e Diaz nuk shkon në rrjetë dhe gjen vetëm portierin kundërshtar Ruli. Në minutën e 19-të, Danjuma nis një top tejet interesant në zonë për dikë nga shokët e ekipit, por anglezët spastrojnë zonën.
Vendasit e nisën më së miri pjesën e dytë. Dy gola të shënuar shumë shpejt, respektivisht në minutat 53’ dhe 55-të u dhanë qetësinë e duhur atyre. Goli i parë erdhi falë Estupinan që realizoi aksidentalisht në portën e vet, ndërsa i dyti mban firmën e Mane.
Livepool i afrohet disa herë golit të 3-të, por pa konkretizuar dot. Ndeshja e kthimit do luhet me 3 maj, në Estadio de Ceramica, që sheh më afër finales të kuqtë anglezë, por në futboll kurrë mos thuaj kurrë.
VAZHDO TË LEXOSH MË TEPËR PËR TEMËN
