Selena Gomez do të bëjë për herë të parë debutimin e saj në “Saturday Night Live”. Aktorja dhe këngëtarja, është aktualisht duke punuar me sezonin e dytë të serialit të suksesshëm “Only Murders in The Building”.
Selena do të lërë gjurmën e saj në emision më 14 maj, ku do t’i bashkohet edhe i ftuari muzikor, Post Malone.
Gomez do të prezantojë episodin e parafundit të sezonit. Ajo e ndau njoftimin në Instagramin e saj, duke përmendur se sa e emocionuar ishte për një arritje kaq të rëndësishme.
View this post on Instagram
“Mami… mendoj se ia kam dalë, kaq mirënjohëse dhe kaq e emocionuar. Shihemi më 14 maj!!!”, ka shkruar ajo.
Seriali i ri i Gomez, “Only Murders in The Building”, do të shfaqet premierë më 28 qershor. Shfaqja është pritur me sukses të madh dhe në të luajnë veteranët e SNL, Steve Martin dhe Martin Short, të cilët mund të paraqiten gjatë episodit të Selenës dhe monologut hapës. Për sezonin e dytë, seriali ka shtuar aktoret Amy Schumer dhe Cara Delevingne.
Në një intervistë me Vanity Fair, prezantuesi i serialit, John Hoffman, shpjegoi se personazhi i Cara Delevingne quhet Alice dhe do ta vendosë personazhin e Selenës Mabel “në kontakt me një anë të vetes që ajo e ka lënë disi pas dore që nga fillimi i shfaqjes”.
VAZHDO TË LEXOSH MË TEPËR PËR TEMËN
As Selena Gomez nuk i shpëtoi dot këtij tundimi!
