Boston Celtics është shpallur kampion në Konferencën e Lindjes, duke siguruar të drejtën të luajë në finale për titullin në NBA. Skuadra e Celtics fitoi 100-96 ndaj Miami Heat në finalen e shtatë play off, duke ngritur titullin në këtë kah të NBA-së.
Skuadra e Miami nuk arriti të shfrytëzojë faktin se sfida e fundit finale mes dy skuadrave luhej në fushën e saj, duke humbur pas një ndeshje me shumë rivalitet.
Takimi ishte i hapur deri në fund, teksa të dy ekipet e kërkuan fitoren. Për Boston u dallua Tatum, me 26 pikë e 10 rebound, mbështetur edhe nga Brown e Smart, me nga 24 pikë secili. Në kahun tjetër, Butler realizoi 35 pikë e Adebayo 25, por që nuk mjaftuan. Përballë Celtics në finale do të jetë Golden State, prej disa ditësh kampion në Perëndim.
