Presidenti rus Vladimir Putin tha të martën se mund të ketë një reduktim të mëtejshëm në furnizimet me gaz në Evropë pasi tubacioni Nord Stream 1, i cili formon lidhjen e vetme më të madhe për dërgesat e gazit rus në kontinent, mbeti i mbyllur për mirëmbajtje vjetore.
Tubacioni, i cili shkon nga Rusia në Gjermani në shtratin e Detit Baltik, ka qenë nën kontroll intensiv që kur Moska filloi pushtimin e saj në Ukrainë më 24 shkurt të këtij viti.
Ndërsa Nord Stream 1 ka një kapacitet ditor prej rreth 167 milionë metra kub gaz, gjigandi shtetëror energjetik i Rusisë Gazprom e reduktoi atë vëllim në vetëm 67 milionë metra kub në ditë muajin e kaluar.
Përveç kësaj, tubacioni është aktualisht i mbyllur për mirëmbajtje vjetore, i cili do të përfundojë të enjten.
Pasiguri për mirëmbajtjen e Nord Stream 1
Por Putin ka paralajmëruar se nëse një turbinë me gaz e dërguar në Kanada për riparime nuk kthehet shpejt në Rusi, vëllimi ditor i dorëzuar nga tubacioni mund të bjerë më tej në 33 milionë metra kub deri në fund të këtij muaji.
“Aty janë dy makineri funksionale, pompojnë 60 milionë metër kub në ditë. Nëse një nuk kthehet, do të jetë një, që është 30 milionë metra kub. A ka të bëjë Gazprom me këtë?” Putin tha gjatë bisedës me gazetarët në Teheran, ku presidenti rus ishte për bisedime trepalëshe me krerët e Iranit dhe Turqisë. Ai shtoi se një tjetër turbinë pompimi gazi do të dërgohet për mirëmbajtje më 26 korrik.
Ndërsa turbina fillimisht u përfshi në një stuhi për shkak të sanksioneve perëndimore ndaj Moskës, qeveria kanadeze ra dakord t’i dorëzonte Gjermanisë turbinën Siemens Energy me kërkesë të Berlinit.
Megjithatë, Moska tha se nuk e ka marrë ende turbinën apo dokumentacionin.
Putin paralajmëron kundër kufirit të çmimit të naftës ruse
Udhëheqësi rus paralajmëroi gjithashtu se plani i Perëndimit për të kufizuar çmimet e naftës ruse do të destabilizonte tregun global dhe do t’i bënte çmimet të rriten.
“Ne po dëgjojmë disa ide të çmendura për kufizimin e vëllimeve të naftës ruse dhe kufizimin e çmimit të naftës ruse,” tha Putin. “Rezultati do të jetë i njëjtë – një rritje e çmimeve. Çmimet do të rriten në qiell.”
Pas inkursionit të Moskës në shkurt në territorin ukrainas, Bashkimi Evropian miratoi ndalimet për qymyrin rus dhe shumicën e naftës, të cilat do të hyjnë në fuqi më vonë këtë vit. Kufizimet nuk përfshijnë gazin natyror.
Megjithatë, Gazprom reduktoi dërgesat e gazit përmes gazsjellësit Nord Stream 1 me 60% në qershor. Korporata energjetike e kontrolluar nga shteti përmendi probleme teknike për të justifikuar rënien.
/Përkthyer dhe përshtatur për Konica.al nga Deutsche Welle
VAZHDO TË LEXOSH MË TEPËR PËR TEMËN
Putin, Ukraina dhe ekonomia globale
Analiza/ Si filloi rënia e naftës e dimë, por si do të jetë fundi?
