Kate Moss ka bërë së fundmi një reagim lidhur me dëshminë e saj që dha në gjyqin e Johnny Depp kundër Amber Heard. Ajo ka thënë së fundmi se “duhej ta thoshte të vërtetën”.
Kujtojmë që Moss dha dëshminë e saj, duke rrëzuar kështu edhe një pretendim të Heard. Kjo e fundit tha se Depp e kishte shtyrë nga shkallët supermodelen e njohur, gjatë kohës që ata kanë qenë në lidhje.
Mirëpo, Moss e mohoi këtë gjë.
“Ne po dilnim nga dhoma, Johnny u largua para meje, kishte pasur një stuhi shiu. Ndërsa dola nga dhoma, rrëshqita nga shkallët dhe lëndova shpinën. Bërtita, sepse nuk e dija se çfarë më kishte ndodhur dhe kisha dhimbje. Ai u kthye me vrap për të më ndihmuar dhe më çoi përsëri në dhomën time dhe më mori kujdes mjekësor.”
Jo vetëm kaq por ajo tha se Depp “asnjëherë nuk më shtyu, nuk më goditi ose nuk më hodhi poshtë nga shkallët”.
Së fundmi, Moss foli për “Desert Island Discs” të BBC Radio 4 ku tha se Depp kurrë nuk e ka rrëzuar nga shkallët.
“Unë e di të vërtetën për Johnny. E di që ai kurrë nuk më ka rrëzuar nga shkallët. Më duhej ta thosha këtë të vërtetë.”- tha Kate Moss.
VAZHDO TË LEXOSH MË TEPËR PËR TEMËN
Amber përmendi Kate Moss/ Përse u gëzuan avokatët e Depp
Si e ndihmoi veshja Kate Moss të ishte sa më bindëse në gjyq?
Johnny Depp dhe Kate Moss do të rikthehen bashkë?
