Një tjetër raport i FBI-së ka zbuluar disa detaje të tjera nga vdekja e Halyna Hutchins në shesh-xhirim. Mësohet se Alec Baldwin tërhoqi këmbëzën e armës që vrau kineasten në setin e filmit “Rust”.
Kujtojmë që aktori më parë e ka mohuar këtë gjë, mirëpo raporti hedh poshtë deklaraten e tij.
Ngjarja e rëndë ndodhi në tetor 2021.
Mjekësia ligjore raporton se arma nuk mund të shkrepej kurrsesi nëse këmbëza nuk do të tërhiqej.
“Vdekja u shkaktua nga një armë zjarri në gjoks”, raporton Sky News.
“Rishikimi i raporteve të disponueshme të zbatimit të ligjit nuk tregoi asnjë demonstrim bindës se arma e zjarrit ishte e ngarkuar qëllimisht me municion të vërtetë”.
“Bazuar në të gjitha informacionet e disponueshme, duke përfshirë mungesën e qëllimit të dukshëm për të shkaktuar dëm ose vdekje, mënyra e vdekjes klasifikohet më së miri si aksident”.
Baldwin asokohe qëndroi në të njëjtin pozicion për 24 sekonda para se të vendoste dorën në gjoks dhe të mbulojë fytyrën me duar.
“Dua të telefonoj bashkëshorten time. Dua të iki dhe të telefonoj gruan time”- ka thënë ai asokohe kur ndodhi ngjarja.
Një video tjetër e Baldwin është filmuar menjëherë pas të shtënave, pasi aktori i tha policisë se ishte “ai që mbante armën” dhe kërkoi një cigare për të qetësuar veten.
VAZHDO TË LEXOSH MË TEPËR PËR TEMËN
Donald Trump ngre akuza të rënda ndaj aktorit Alec Baldwin
Alec Baldwin nuk duhej të qëllonte me armë gjatë skenës
