Ish-Ministri i Brendshëm Saimir Tahiri i cili po vuan dënimin e formës së prerë ne burgun e Kosovës të Lushnjës, pasi është dënuar për shpërdorim detyre, do t’i rikthehet sërish dyerve të Gjykatës.
Burime për korrespondentin e Panorama bëjnë me dije se Tahiri i ka dërguar sërish një kërkesë Gjykatës për njohjen e kohës së paraburgimit.
Të njëjtat burime konfirmojnë se ditën e sotme Gjykata e Shkalles se Pare Elbasan do të mblidhet në orën 13:30 për të shqyrtuar kërkesën, ndërkohë që ka kërkuar që të jetë prezentë edhe Prokuroria e Elbasanit, e cila do të përfaqësohet nga Prokurori i Ekzekutimeve penale. Gjyqtarja për kërkesën e Sajmir Tahirit është Pajtime Fetahu.
Ish-ministri pretendon se ai e ka zbatuar atë dënim duke mbajtur çdo ditë kontakte me shërbimin e provës, deri në dhënien e vendimit nga Apeli më 4 shkurt të këtij viti. Kjo Gjykatë rrëzoi dënimin me shërbim prove duke e dërguar në burg ish-ministrin.
VAZHDO TË LEXOSH MË TEPËR PËR TEMËN
“Saimir Tahiri mbyti me drogë Shqipërinë dhe Evropën”
‘Në emër të Republikës’, Saimir Tahiri reagon pas vendimit të gjykatës
