Kategoria e Parë ka luajtur katër sfidat e saj të para të javës 6-ë. Skënderbeu ka arritur të fitojë me rezultatin minimal 0-1 në Berat. Një ndeshje me plot tension, ku nuk kanë munguar as përplasjet mes njëri-tjetrit, ku veçohet një moment mes Alinanit dhe Liços.
Goli i vetëm i takimit u shënua nga sulmuesi i korçarëve, Belajdi Pusi me anë të pikës së bardhë të penalltisë në minutën 45+2′. Me këtë rezultat, Skënderbeu arrin fitoren e tretë radhazi në kampionat duke ndarë përkohësisht vendin e parë me Dinamon në kuotën e 11 pikëve.
Në sfidat e tjera që startuan në orën 14:00, Luzi 2008 nuk gaboi përballë Burrelit, duke triumfuar me rezultatin 2-1. Besa arriti të mundte në transfertë me rezultatin 2-4 Turbinën, një sfidë që u duk e lehtë për kavajasit, por që nuk shkoi ashtu.
REZULTATET
TOMORI 0-1 SKËNDERBEU
Pusi (p) 45+2′
TURBINA 2-4 BESA
Laroshi (P) 49′, Murrja 84′ / Onuh 20′, 32′, 37′, Kuka 90+2′
BESËLIDHJA 1-0 ORIKU
Shehu 45+1′
LUZI 2008 2-1 BURRELI
Çuçka 30′, 43′ / Stana (P) 53′
