Robert Lewandowski, 34 vjeç dhe gruaja e tij Anna, 33 vjeçe, bënë një postim surprizë në rrjetet sociale, duke zbuluar se janë “martuar sërish”.
Në këtë mënyrë ata ribënë betimet e tyre martesore dhe vendimi për të bërë një lëvizje të tillë në këtë moment me shumë mundësi nuk është aspak i rastësishëm.
Në qershor, një nga çiftet më të famshëm polakë festoi 10-vjetorin e martesës dhe fryt i dashurisë së tyre janë dy vajza, Klara gjashtëvjeçare dhe Laura trevjeçare.
“E bëmë sërish”, shkroi çifti i famshëm polak në një fotografi ku Ana pozonte me një fustan të bukur të bardhë, ndërsa sulmuesi i Barcelonës dhe ishte i veshur me një kostum elegant.
Nuk dihet ende nëse ceremonia ka qenë tërësisht private apo lista e të ftuarve ka qenë sekrete dhe e kufizuar.
