24.07.2023 - 10:10
Ministri i Mbrojtjes, Niko Peleshi njofton se 42 trupa dhe 13 mjete janë angazhuar prej orësh në aksionin për shuarjen e zjarreve të ndezura në Peshtan të Fierit dhe fushën e mbetjeve në Vlorë.
Sipas ministrit, efektivët e Repartit të Poshnjes po punojnë në terren në zonën e pyllëzuar dhe tejet të vështirë në Peshtan.
Ndërkohë helikopteri Cougar vijon ndërhyrjen nga ajri për shuarjen e zjarrit në fushën e mbetjeve në Vlorë.
Flakët vijojnë nga dita e djeshme, ndërsa gjatë gjithë natës forcat zjarrfikëse me mjetet e bashkisë por dhe të ushtrisë punuan për të izoluar flakët të cilët u intensifikuan shumë gjatë orëve të pasdites vonë të 23 korrikut.
