15.08.2023 - 17:17
Ty të dua më fort se natyrën,
Se natyra e gjallë je vetë,
E lirisë ti je shëmbëlltyrë,
Por pa ty dhe liria më vret.
Ty të dua aq fort i shkujdesur,
Sa rrëpira më duket si shteg.
Të pamundurën askush s’e ka prekur,
Dashuria ime e prek.
Ty të dua, të dal’ku të dalë,
Dhe kur pi dhe kur bëhem brutal,
Ty të dua dhe as bëhet fjalë,
Përmbi egon e shenjtë do dal.
Ty të dua më fort se Shekspirin,
Se të dheut këtë bukuri,
Se muzikën pa fund të efirit,
Se muzikë e libër je ti.
Ty të dua më fort se lavdinë
Që kaloi e atë që po vjen,
Se të ndryshkurën perandorinë,
Mëmëdhe s’ësht’ajo,por ti je.
Je fatkeqe? S’pranon ti mëshirë?
Lodhe Zotin me lutjet e tua.
Ty të dua përmbi lumturinë,
Më fort se dashurinë të dua.
VAZHDO TË LEXOSH MË TEPËR PËR TEMËN
Dritëro Agolli si protagonist
“Më prit se po vij shpejt”, poezitë e mëdha nga një “gjuhë e vogël”
Ubi Spiritus Domini, ibi libertas
“Hylli i Dritës”, pak dritë në errësirën e prapambetjes
Agolli, poeti i tokës, njeriut dhe... vdekjes.
“Ç’t’i bësh! S’më rrihet pa shkrepur një varg”
Gjergj Fishta me fjalët e fundit
