Një ngjarje e rëndë ka ndodhur ditën e sotme në Rreshen, ku është ekzekutuar me armë zjarri Martin Bardhi.
Policia ka reaguar sërish në lidhje me ngjarjen e rëndë teksa raporton se të plagosur kanë mbetur edhe 3 persona të tjerë. Mësohet se të plagosurit kanë qenë në afërsi të vendit ku ka ndodhur ngjarja dhe janë transportuar në spital.
Të plagosurit janë identifikuar si: Indrit Bardhi, Ilir Bardhoku, ish-drejtor në bashkinë e Mirditës dhe Olti Gjini pronar i lokal picerisë aty pranë.
Policia njofton gjithashtu se në fshati Gëziq të Mirditës është gjendur duke u djegur një makinë e cila dyshohet se u përket autorëve të atentatit të sotëm në Rrëshen.
Forca të shumta policie kanë rrethuar zonën dhe në ndihmë të Policisë lokale, janë nisur Forcat Speciale “RENEA” dhe FNSH, si dhe në Rrugën e Kombit, në drejtim të Kukësit, të Laçit, Lezhës dhe Dibrës, janë ngritur pika kontrolli.
“Rrëshen/Informacion shtesë Gëziq, Mirditë, është konstatuar duke u djegur një automjet tip fuoristradë, që dyshohet se është përdorur nga autorët, për kryerjen e vrasjes.
Në vijim të informacionit të dhënë në lidhje me ngjarjen e ndodhur në Rrëshen, ku nga shtetas ende të paidentifikuar, u vra me armë zjarri shtetasi M. M. (B.)., ju informojmë se si pasojë e të shtënave, kanë mbetur të plagosur me armë zjarri, shtetasit I. B., I. B. dhe O. Gj., të cilët kanë qenë në afërsi të vendit ku ka ndodhur ngjarja dhe janë transportuar në spital, për të marrë ndihmën mjekësore.
Ndërkohë, në fshatin Gëziq, Mirditë, është konstatuar duke u djegur një automjet tip fuoristradë, që dyshohet se është përdorur nga autorët, për kryerjen e vrasjes.
Forca të shumta policie kanë rrethuar zonën dhe në ndihmë të Policisë lokale, janë nisur Forcat Speciale “RENEA” dhe FNSH, si dhe në Rrugën e Kombit, në drejtim të Kukësit, të Laçit, Lezhës dhe Dibrës, janë ngritur pika kontrolli.
Gjithashtu, drejt vendit të ngjarjes janë nisur Zv/drejtori i Përgjithshëm i Policisë së Shtetit dhe drejtorët e departamenteve të Policisë Kriminale, si dhe të Rendit dhe Sigurisë Publike.
Për zbardhjen e kësaj ngjarjeje është ngritur një grup i posaçëm hetimor, me specialistë nga Departamenti i Policisë Kriminale në DPPSH dhe nga Policia vendore, dhe në drejtimin e prokurorit, vijon puna intensive për identifikimin dhe kapjen e autorëve”, njofton policia.
