Ditën e sotme nisi viti i ri akademik në Shqipëri. Në shumë universitete të vendit vihet re një firo e madhe e studentëve. Në Universiteti e Shkodrës “Luigj Gurakuqi” degët e studimit, që kanë interes të lartë janë infermieria, fiskultura dhe infermieri-mami.
Burime bëjnë me dije se dega e historisë dhe gjuha frënge nuk kanë pasur interes. Konkretisht në degën e historisë është vetëm një student i regjistruar, nga 40 kuota të lira
“Degët më të preferuara janë infermieria, e përgjithshme, infermieri-mami, fizioterapi dhe fiskultura dhe nuk kanë vende të lira. Ajo që bie në sy ka shumë pak interes për historinë dhe në gjuhën frënge. Këtë vit në degën e historinë është regjistruar vetëm një studentë, nga 40 kuota të përcaktuara”.
Një program i ri, i cili është hapur në Shkodër lidhet me Shkencat e Ushqimit. Kjo risi duket se ka joshur disi studentët e Universitetit të Shkodrës “Luigj Gurakuqi”. Sipas burimeve në universitetin e Shkodrës janë afërsisht 1000 vende të lira.
VAZHDO TË LEXOSH MË TEPËR PËR TEMËN
