Fondit Monetar Ndërkombëtar e ka cilësuar luftën Izrael-Hamas, si një “re e zezë” në horizont që kërcënon të errësojë një perspektivë tashmë të errët ekonomike globale.
Kryetarja e FMN-së, Kristalina Georgieva, ka deklaruar se ekonomia globale ndikuar edhe nga ngjarje të tilla, po dominohet nga një rritje e dobët.
Duke folur në takimet vjetore të FMN-së dhe Bankës Botërore në Marrakech, ajo konfirmoi se “po monitoron nga afër se si evoluon situata”, veçanërisht kur bëhet fjalë për çmimet e naftës.
Dhe ndërsa ka pasur tashmë disa lëvizje në treg sa i përket çmimit të naftës, Georgieva theksoi se është shumë herët për të parashikuar ndikimin e plotë ekonomik nga konflikti.
Shumë drejtues financiarë kanë shprehur shqetësimin për shpërthimin e papritur të dhunës në konfliktin e gjatë, i cili tashmë ka marrë më shumë se 2500 jetë.
Ndër të tjera, Georgieva paralajmëroi më tej se normat e interesit do të duhet të mbeten të larta për më gjatë, sepse inflacioni mbetet i lartë në shumë vende.
Edhe përpara se Hamasi të niste sulmin e tij të paprecedentë fundjavën e kaluar, FMN po paralajmëronte se rritja globale do të mbetej e vakët për këtë dhe vitin e ardhshëm.
VAZHDO TË LEXOSH MË TEPËR PËR TEMËN
