Kreu i Prokurorisë së Posaçme (SPAK), Altin Dumani, ka ngritur shqetësimin e kufirit monetar prej 50 mijë lekësh për korrupsionin, duke theksuar se ngarkohen në hetim.
Dumani ka propozuar që këto raste të hetohen nga prokuroritë e juridiksionit të përgjithshëm dhe për SPAK-un kufiri të jetë më i lartë.
“Ndryshimet në kodin penal të vitit 2021, për korrupsionin është vënë një kufi monetar prej 50 mijë lekësh, është një kufi i cili na ngarkon në hetim dhe prokuroritë e juridiksionit të përgjithshëm duhet të merrem me këtë çështje. Ky kufi monetar duhet të jetë më i lartë”, tha Dumani.
Gjithashtu gjatë diskutimit ngriti shqetësim dhe për kushtet në të cilat punojnë prokurorët e posaçëm.
Dumani tha se çështja e sigurimit të godinës është zgjidhur, por duhet që ajo të mobilohet dhe ndahet sipas nevojave.
“Kemi marrë një godinë, por kemi nevojë për ta mobiluar dhe për të bërë ndarjet e brendshme sipas nevojave. Zyrat kanë qenë për një institucion tjetër, dhe duhen ndarje të reja”, tha kreu i SPAK.
VAZHDO TË LEXOSH MË TEPËR PËR TEMËN
‘Ushtarët’ e Dumanit në Gjykatë, njëri refuzon dëshminë
