Zbardhen të tjera detaje në lidhje me operacionin e SPAK, e cila lëshoi 11 urdhër-arreste.
Sipas raportimeve, bëhet me dije se një prej të arrestuarve, është Bujar Gërmizi, i cili akuzohet se po planifikonte me Besmir Mustati vrasjen e dy vëllezërve që banonin në Britaninë e Madhe dhe për shkak të përplasjeve që kishin për çështje droge, i kishte vënë në shënjestër.
Mësohet se Gërmizi është shoqëruar nga Kukësi drejt Policisë së Drejtorisë së Tiranës nën masa të rrepta sigurie. Një tjetër person i rëndësishëm i trafikut të drogës është Ervin Mata, i cili është shpallur në kërkim. Operacioni është duke vijuar edhe në shtetin e Spanjës.
Mbrëmjen e djeshme u arrestua Erzen Breçani, ish-drejtori i Policisë së Tiranës. Ai ka lidhje krushqie me Matën, pasi djali i tij ka partnere motrën e Matës.
Ndërkohë, ka dyshime dhe për pastrim parash. E përfshirë në këtë grip kriminal dyshohet se është oficerja e drejtorisë së kufirit dhe migracionit, Jonida Babameton, ndaj të cilës është caktuar masa ‘detyrim paraqitje’.
VAZHDO TË LEXOSH MË TEPËR PËR TEMËN
Konflikti për drogën, si Mustafi dhe Germizi bashkëpunuan me shefin e krimeve për të vrarë 2 vëllezërit në Britani
Arrestohet personazhi i njohur i botës së krimit
