Më shumë se 1/3 e bizneseve evropiane kanë adoptuar inteligjencën artificiale në 2023 ndërsa përdorimi i AI gjeneruese është rritur ndjeshëm, thotë një raport i Amazon Web Services, raporton PCW.
Komisioni Evropian, krahu ekzekutiv i BE-së, në 2021 prezantoi vizionin 2030 Digital decade për të transformuar rajonin ku 80 përqind e popullsisë pritet të fitojë aftësi bazike dixhitale, do të mundësohet konektivitet 5G kudo dhe 75 përqind e kompanive Europian të përdorin shërbimet cloud.
Në 2022, vetëm ¼ e bizneseve evropiane kishte adoptuar AI ndërsa një raport i vitit të kaluar përllogariste se Bashkimi Europian mund të mbetej 10 vite pas me objektivat dixhitale nëse qeveritë nuk ndërhynin.
Studimi i bërë me 16,000 qytetarë dhe 14,000 biznese zbuloi se 38 përqind e kompanive po eksperimentonin me AI. Raporti llogariste një impakt pozitiv ekonomik prej 2.8 trilionë eurosh nga AI.
