Sot mbushen një vit nga masakra me 3 gra të vrara dhe një të plagosur në Tiranë.
Dan Hutra më 1 mars të vitit 2023 shkoi me armë në banesën e ish-bashkëjetueses së tij, ku e plagosi bashkë me nënën, dhe i vrau motrën dhe kunatën shtatzënë.
Më pas ai u largua nga Paskuqani, për të shkuar në familjen Kurti, ku ekzekutoi me armë Etleva Kurtin, motrën e njërit prej bashkëvuajtësve të tij në burg.
Dan Hutra kishte ekzekutuar me armë gruan e tij vite më parë. Sot emisioni ‘Me zemër të hapur’ në News24, Alketa Hysa, ish-partnerja e Dan Hutrës ka thyer heshtjen. Ajo ka deklaruar se është Dan Hutra do të tentojë të arratiset sërish, duke i bërë apel shtetit që të shtrëngojë masat ndaj tij.
“Sikur sot ka ndodhur. (Qan). I bëj thirrje shtetit që të na mbrojë. Ai është shumë i rrezikshëm. Shteti ta shtrëngojë, se ai ça nuk bën. Ai nuk do të ndalojë, do të vazhdojë të bëjë këtë gjë deri sa të ketë jetë. Shteti nuk duhet ta tolerojë Dan Hutren asnjë minutë. Ai mendon akoma plane djallëzore si të dalë prej aty nga burgu. Ai do të vazhdojë prapë. Me intervistën e tij na vrau për së dyti.”, tha ajo.
