Nazarko: Greqia e konsideron çështjen Beleri si çështje të funksionimit të shtetit ligjor!

Në emisionin “Real Story” në ABC News gazetari e analisti Mentor Nazarko u shpreh se Greqia e konsideron çështjen Beleri si çështje të funksionimit të shtetit ligjor.

“Referuar pozicioni grek zyrtar, Greqia e vendosur nën trysninë e vendeve të BE e konsideron çështjen Beleri si çështje e funksionimit të shtetit ligjor. Më shumë gjasa kjo qeveri do të jetë shumë më e shpejtë në heqjen e mandatit të tij. Nuk është çështje diskriminimi etnik, por e funksionimit të shtetit ligjor. Kjo qeveri e Mitsotakis ka probleme me Shqipërinë. E djathta greke e ka kapur çështjen Beleri dhe është marrë me të. Dhe shtypi grek këtë e ka vënë në dukje”, tha ndër të tjera Nazarko.