Cardi B dhe Offset kanë vazhduar të nxisin thashetheme për ribashkim pasi u ndanë vitin që shkoi.
Çifti i reperëve u fotografuan të martën në Madison Square Garden ky ndoqën një nga ndeshjet e basketbollit mes New York Knicks dhe Philadelphia.
Ata u fotografuan duke shkuar në vendet e tyre dhe ishin pranë njëri-tjetrit gjithë kohës. Të veshur me kombinime interesante, çanta shumë e shtrenjtë Hermes e Cardi B, ra në sy më shumë se çdo gjë.
Reperi u pa disa herë duke i hedhur gruas së tij dorën në qafë. Po ashtu, nuk mund të mungonte shfaqja e tyre në ekranin e madh.
Në dhjetor të 2023-shit, Cardi kofirmoi ndarjen nga Offset, pasi ai mohoi se e kishte tradhtuar. Ndarja bëri bujë, pasi reperja e ofendoi bashkëshortin në një nga këngët e saj.
Aq shpejt sa u përhapen fjalët për ndarjen, nisën edhe lajmet e ribashkimit, kur ata u fotografuan së bashku për Krishtlindje dhe Vitin e Ri. Cardi B madje pranoi se bëri seks me Offset gjatë festave, por e mohoi ribashkimin dhe tha se po bëjnë terapi për të zgjidhur problemet.
Nuk ka ende një konfirmim të mirëfilltë për statusin e marrëdhënies së tyre momentalisht, por nga sa duket, fotot flasin për një ribashkim.
VAZHDO TË LEXOSH MË TEPËR PËR TEMËN
Sërish probleme në martesën e Cardi B dhe Offset?
Çantat e vajzës së Cardi B kushtojnë sa qimet e kokës!
