Ushqimet Organike?
Ushqimet organike zakonisht janë të mira për shëndetin. Por ata shpesh janë të shtrenjtë për portofolin tuaj: një studim në SHBA zbuloi se kostot e frutave dhe perimeve organike janë deri në 30% më shumë se prodhimet jo bio.
Po çfarë nënkupton fjala “ushqime organike”?
Termi i referohet mënyrës së rritjes, trajtimit dhe përpunimit të një ushqimi. Këto praktika synojnë të mbrojnë shëndetin dhe mjedisin.
Qeveria amerikane për shembull ka standarde strikte për vulën e saj “USA Organic”: Prodhimi duhet të rritet pa përdorimin e pesticideve, plehrave që nuk prodhohen natyrshëm, llumit të ujërave të zeza, rrezatimit dhe organizmave të modifikuara gjenetikisht. Kafshëve nuk duhet që t’u jepen antibiotikë ose hormone.
Si t’i kuptoni etiketat?
Etiketimi mund të jetë konfuz. Por lexoni më poshtë.
• 100% Organik: Të gjithë përbërësit janë të çertifikuar organike.
• Organik: Të paktën 95% e përbërësve janë të çertifikuara organike.
• E bërë me përbërës organikë: Të paktën 70% e përbërësve janë të çertifikuara organike.
E vërteta rreth pesticideve
Kjo mund t’iu vijë si një surprizë, por ushqimi organik nuk është domosdoshmërisht pa pesticide. Fermerët organikë nuk lejohen të përdorin plehra sintetike ose pesticide.
Por ata mund të aplikojnë ato të bëra nga përbërësit natyralë, të cilët ende mund të jenë të rrezikshëm për shëndetin tuaj. Dhe hulumtimet tregojnë se disa nga këto pesticide mund të jenë më të dëmshme për mjedisin sesa ato sintetike.
Mish: Bli mish organik
Lopëve që rriten në fermat jo-organike shpesh u jepen hormone seksuale, të tilla si estrogjeni dhe testosteroni, që ata të rriten më shpejt.
Disa ekspertë besojnë se këto hormone mund të shkaktojnë pubertetin e hershëm tek vajzat. Po kështu nëse keni fëmijë ose jeni shtatzënë, përpiquni të merrni mish organik.
Shpendët dhe derri: Bliji organike
Shpendët organikë dhe derrat ushqehen me ushqime pa pesticide sintetike dhe plehra. Ata gjithashtu nuk marrin antibiotikë, e cila është një praktikë e zakonshme në fermat konvencionale.
Ekspertët pajtohen se përdorimi i rregullt i këtyre barnave mund të çojë në baktere rezistente antibiotike të rrezikshme. Nëse blini mish të zakonshëm, që nuk e dini me se janë rritur të paktën hiqni dhjamin dhe lëkurën pasi aty përqëndrohen më shumë pesticidet.
Ushqimet e detit organike
As në SHBA nuk ka standarde për prodhimet e detit që janë organike. Kështu që pjesa e peshkut të etiketuar “organike” nuk është e garantuar të jetë e sigurt për shëndetin tuaj ose mjedisin.
Ata ende mund të kenë ndotës. Ushqimi i detit që është më i vogël në përmasa, të tilla si karkaleca, salmon dhe açugat, janë një zgjedhje shumë e mirë pasi edhe sasia e mërkurit, një metal që dëmton sistemin nervor, është shumë e vogël
