Analisti Rid Berisha tha në një intervistë televizive, se presidenti i Serbisë Aleksandër Vuçiç ka humbur kontrollin ndaj ushtrisë dhe policisë në Serbi.
Sipas tij, qeveria e re e Serbisë është nën ndikimin e plotë të Rusisë.
“Ushtria e Serbisë nuk është nën kontrollin e plotë të Vuçiç, as inteligjenca e Serbisë, as policia, ka një mafie brenda. Shërbimet inteligjente të NATO-s flasin për situatë shqetësuese të sektorit të sigurisë ndaj kjo është arsyeja që Perëndimi e mbyll njërin sy ndaj presidentit Vuçiç. Janë 48 baza ushtarake në kufi me Kosovës, që kanë mbetur nga ish-Jugosllavia e dikurshme të cilat duket se nuk janë nën kontrollin e plotë të Vuçiç. Kurti nuk duhet ta pranonte fare as vendimin e Gjykatës Kushtetuese për manastirin e Deçanit”, tha Berisha.
