Richard Grenell zbulon detajet e forta, si dështoi pazari final mes Thaçit dhe Vuçiç…
Ish-i dërguari i posaçëm i SHBA-së për dialogun ndërmjet Beogradit dhe Prishtinës, Richard Grenell, ka treguar së fundmi në një intervistë se si Serbia dhe Kosova ishin në rrugën e arritjes së të ashtuquajturës “marrëveshja përfundimtare” mes tyre, por ndërhyri prokurori special për krimet e UÇK-së, Jack Smith.
Në një intervistë me Donald Trump Jr., të transmetuar në një platformë online, Grenell zbuloi detaje nga puna e prokurorit special Jack Smith, i cili është aktual i njohur në publikun amerikan, pasi ngriti dy aktakuza federale kundër Donald Trump për përpjekjen për të anuluar rezultatet e zgjedhjet e vitit 2020.
Prokurori Smith është po ashtu i njohur për opinionin serb dhe Kosova, pasi si kryeprokuror i Gjykatës Speciale për Krime të Ushtrisë Çlirimtare të Kosovës (UÇK) ka ngritur aktakuzë kundër ish-presidentit të Kosovës Hashim Thaçi dhe komandantëve të tjerë të UÇK-së.
Grenell tha se aktakuza kundër Thaçit, të cilin e cilësoi si “njeri të madh” dhe Joe Biden dikur e quajti “George Washington i Kosovës”, u parapri nga negociatat për arritjen e një “marrëveshjeje përfundimtare” ndërmjet Kosovës dhe Serbisë që kishte si synim shfuqizimin e Gjykatës Speciale për krimet e UÇK-së.
“Një varg prokurorësh nuk mundën të gjenin prova kundër Thaçit dhe prokurori i mëparshëm tha se nuk kishte asgjë, e mbylli rastin dhe u largua. Haga vazhdoi të shpenzonte dollarë amerikanë dhe Jack Smith kaloi disa vite të tjera duke hetuar krimet e luftës”, tha Grenell.
Ai theksoi se aktakuza kundër Thaçit është ngritur në qershor të vitit 2020, vetëm pasi ai njoftoi se Hashim Thaçi dhe Aleksandar Vuçiç po vinin për të takuar presidentin Donald Trump në Shtëpinë e Bardhë.
“Duhet të kishim negociuar dhe të arrinim një marrëveshje historike mes dy palëve. I thashë Ministrisë së Drejtësisë se janë pajtuar që në marrëveshjen përfundimtare ndërmjet Kosovës dhe Serbisë ta shfuqizojnë gjykatën në Hagë”, përsëriti Grenell.
Ai vë në dukje se më pas foli me Brice Schëartz nga Departamenti i Drejtësisë, i cili i tha se prokurori Smith duhej të dinte për këtë sepse ishte detyra e tij dhe kërkoi që Grenell të priste të fliste fillimisht me prokurorin.
“Dy ditë më vonë mora vesh se Smith tha: “Nuk mund ta bësh këtë”. Tre apo katër javë më vonë, Smith shpalli aktakuzën kundër Thaçit. Para se të vinte në Shtëpinë e Bardhë, Thaçi u dërgua në Hagë dhe ai është ende në burg”, tha Grenell.
Gjykata Speciale për Krimet e UÇK-së u krijua pas raportit të Dik Martit në Këshillin e Evropës në vitin 2011, i cili pretendonte për krime lufte pas tërheqjes së forcave serbe nga Kosova në vitin 1999.
Smith u bë kryeprokuror i Gjykatës Speciale në maj 2017, tre vjet më vonë në 2020, Thaçi dhe komandantët e tjerë të UÇK-së u paditën.
Në vitin 2018 në opinion doli një rrëfim për një “demarkacion” të mundshëm mes Kosovës dhe Serbisë, pra për shkëmbim territoresh. Për këtë biseduan edhe Vuçiç edhe Thaçi, madje presidenti i atëhershëm i Kosovës tha se kjo ishte mënyra e vetme për t’i dhënë fund konfliktit mes Beogradit dhe Prishtinës.
Profesori amerikan Daniel Server tha në pranverën e vitit 2020, para aktakuzës kundër Thaçit, se të dyja palët mund të arrijnë një marrëveshje deri në shtator dhe se për administratën Trump nuk janë të rëndësishme detajet, por për ta është e rëndësishme vetëm nënshkrimi.
“Nova.rs”
