Kryetari i PD-së, Sali Berisha thotë se ai do të udhëheqë PD në zgjedhjet e ardhshme, por nëse forca politike që ai drejton do të fitojë, do të bëhet edhe një votim për kryeministër.
Sipas Sali Berishës do të jenë shqiptarët ata që do të vendosin se kush do të jetë kryeministër i Shqipërisë.
I pyetur për zërat që qarkullojnë se Sali Berisha do hyjë në zgjedhje, por nuk do bëhet kryeministër, ai u përgjigj: Shohin ëndrra me sy hapur.
“Në kuadër të proceseve të reja të rithemelimit unë kam dalë me tezën në rast të fitores të PD do ketë një votë për kryeministrin. Atë e merr ai që duan shqiptarët.
Unë jam me rregullin voton për partinë, por para se partia të zgjedhë kryeministrin duhet të bëhet një garë
Nuk është përgjegjësia ime kurajo e të tjerëve. Unë jam i vetëdijshëm, ka prej tyre që thonë se Berisha ka një performancë sikur të ishte 50 vjec, ka të tjerë që thonë është 80 vjeç dhe unë nuk e mohoj”, tha Berisha ne Opinion.
