Horoskopi, 23 dhjetor 2018
Horoskopi, 23 dhjetor 2018
Dashi
Kjo ditë do të jetë shumë e volitshme për bashkëpunime në planin ekonomik. Për shumë projekte të reja do të keni përkrahjen e bashkëpunëtorëve. Do të keni mundësinë që të realizoni atë ide që prej një kohe të gjatë e keni ëndërruar.
Demi
Përfitimet financiare do të dyfishohen për ju, edhe pse do të shpenzoni dyfishin e tyre. Kini kujdes nga fjalët e ëmbla të një personi. Fjala është për personin, i cili dëshiron vetëm t’ju shfrytëzojë.
Binjaket
Lidhja juaj dashurore është duke funksionuar në mënyrën më të mirë të mundshme. Personi juaj i dashur do të jetë posaçërisht i kujdesshëm ndaj jush. Por edhe ju do t’ia ktheni me të njëjtën mënyrë.
Gaforrja
Bëjini mirë atyre që janë të gatshëm t’jua kthejnë në të njëjtën mënyrë, sepse gjatë kësaj periudhe përreth jush do të sillen shumë njerëz që janë tepër egoistë.
Luani
Bëni kujdes nga një person, i cili po përpiqet me çdo kusht që të jetë sa më afër jush. Sado që të keni nevojë për dashuri, nuk është mirë të kërkoni të lidheni me çdokënd, sepse do t’ju shkaktojë kokëçarje të mëdha.
Virgjeresha
Kohëve të fundit jeni bërë një farë personi “i mjerë”, i cili kënaqet me pak. Mos u dorëzoni, nga fundi i javës do të merrni një lajm, i cili do t’ju bëjë të jeni të lumtur.
Peshorja
Në punë jeni shumë i qëndrueshëm, ndaj përpiquni që kështu të jetë edhe në të ardhmen. Një projekt në të cilin jeni duke punuar, po jua shton vetëbesimin dhe po jua eliminon të gjitha vështirësitë e jetës.
Akrepi
Disa persona të kësaj shenje ka gjasa të përfshihen në afera dashurie, aq më shume ata që planifikojnë të udhëtojnë. Sfidës dashurore nuk do t’i shmangeni dot kurrë.
Shigjetari
Mjaft keni ngurruar, tani është koha që t’i hyni një sfide për të cilën prej një kohë të gjatë jeni përgatitur. E dini se pa sfida sukseset nuk arrihen, gjithashtu e dini që ka ardhur koha e duhur që të veproni.
Bricjapi
Në jetën sentimentale do të ketë ndryshime. Ata persona të cilët nuk janë të kënaqur me lidhjen e tyre do të arrijnë të jenë të lumtur, ndërsa ata që kanë lidhje të shkëlqyeshme do të kenë luhatje.
Ujori
Aty ku e vëreni se do të jeni i tepërt, mos shkoni, por jini prezent aty ku e ndieni veten më të sigurt. Energjia gjithnjë e më shumë do t’ju mungojë, andaj është mirë që të pushoni më shumë.
Peshqit
Shkoni në atë ambient ku do të jeni më të relaksuar. Por për të pushuar, zgjidhni vetëm orët e mbrëmjes, sepse gjatë ditës duhet të kryeni detyrimet e shumta që keni. Përqendrohuni vetëm te punët më kryesore.