28.07.2018 - 15:25
Shiu është bërë sërish protagonist në garat e Formula 1, ku përsëri është Ferrari dhe Vettel ai që është penalizuar më shumë.
Gjatë provave të Hungarisë ishte Ferrari skuadra më e shpejtë në pistë, por një shi i rrëmbyeshëm gjatë provave zyrtare ka bërë që Mercedes të dalë në majë me “pole” të dyfishtë me Lewis Hamilton dhe Valteri Bottas.
Pas tyre janë renditur të Kuqtë e Ferrarit, Kimmi Raikkonen dhe Sebastian Vettel. Dy minuta përpara fundit ishte finlandezi i Ferrari-t ai që kreu xhiron më të shpejtë në Hungaroring.
Por gjatë xhirove të fundit të pretendentëve Bottas merr “pole position” përpara se t’ia kalojë Hamilton, i cili ishte piloti i fundit që mbylli provat zyrtare. Gara zyrtare është nesër, në orën 15:10.
