Shqipëria vazhdon të mbetet burim kryesor për prodhimin e kanabisit si dhe një pikë aktive për tranzitin e drogave nga Azia Jugperëndimore.
Të paktën kështu thuhet në faqen e CIA-s (Central Intelligence Agency)
Sipas një përditësimi të bërë më datë 14 gusht në faqen zyrtare të CIA-s, shihet edhe përshkrimi që i bëhet Shqipërisë në lidhje me drogat e paligjshme.
Shqipëria evidentohet sërish si një vend problematik.
Për CIA-n, vendi është i dobët karshi pastrimit të parave që lidhet këto aktivitete kriminale.
“Pikë aktive për tranzitin e drogave nga Azia Jugperëndimore.
Rrugë ballkanike për tranzitin e hashashit dhe kanabisit dhe pjesërisht kokainës nga Amerika e Jugut e destinuar për Europën Perëndimore.
Burim kryesor për prodhimin e kanabisit
Organizata aktive shqiptare të narkotrafikut të shpërndara në Europë.
Vulnerabël për pastrimin e parave që lidhet me trafikimin rajonal të narkotikëve, armëve, kontrabandës dhe qenieve njerëzore”, thuhet në prezantimin e Shqipërisë në faqen e CIA-s.
