Para disa muajsh bleu një orë me 239 diamante, por kjo nuk mjafton. Boksieri amerikan Floyd Mayweather nuk dëshiron të humbasë asnjë sekondë nga jeta e tij, ndaj ka vendosur që ta shijojë jetën në maksimum, duke i bërë dhuratë vetes një orë që nuk ka të krahasuar.
Kampioni dhe rekordmeni i botës në boks, 50 fitore e asnjë humbje, është i rrethuar nga luksi dhe nuk e kursen veten kur bëhet fjalë për gjëra të veçanta. Dhe me dhuratën e fundit që i ka bërë vetes ka treguar se pasioni për orët është i madh.
Ai ka vendosur të ketë një tjetër orë edhe më të shtrenjtë. Dhe për këtë arsye i është drejtuar një prej prodhuesve më të mëdhenj, Audemars Piguet, që nuk e ka zhgënjyer.
Në një mesazh në faqen e tij zyrtare “Instagram”, Mayweather shkruan: “Sa karatë ka kjo unazë-byrzylyk”, – duke treguar dhuratën e re, një orë në formë gjarpri. Një tjetër çmenduri…
