Sot, është hapur një nga tunelet e Rrugës së Arbrit. Ministri i Infrastrukturës, Damian Gjiknuri, i cili monitoroi nga afër punimet, tha se tuneli është 500 metra i gjatë.
Qeveria e Edi Ramës, e ka mbajtur premtimin dhe e ka nisur seriozisht punën për ndërtimin e Rrugës së Arbrit.
“Vazhdon me intensitet të lartë puna në kantierin e ndërtimit të Rrugës së Arbrit. Ditën e djeshme u shënua dhe hapja e tunelit T5 që është 500 meter i gjatë dhe ndodhet në fshatin Fshat të Klosit. Përtej këtij tuneli do të fillojë ndërtimi i Urës së Vashës e cila do të kryejë lidhjen me anën tjetër të rrugës në drejtim të Bulqizës.”-tha Gjiknuri.
Ndërtimi i Rrugës së Arbrit, është një premtim i kryeministrit Edi Rama, ku u zotua në në fillim të mandatit të tij të dytë qeverisës, do të nisin punimet për këtë aks rrugor.
Zona e Dibrës ia ka kërkuar disa herë ndërtimin e kësaj rruge, kreut të qeverisë dhe mesa duket, ky investim tashmë po merr jetë.
Para pak muajve, qeveria firmosi kontratën për fillimin e punimeve me firmën private “Gjoka Konstruksion” plot 240 milionë euro, ku u tha se punimet do të nisin brenda 2018-ës.
