E ka ngushtuar në 17 pikë diferencën me Lewis Hamilton në renditjen e përgjithshme dhe Sebastian Vettel sheh se ka shpresë për të fituar titullin kampion në Botërorin 2018 të Formula 1.
Ferrari arriti të dielën në pistën e Spa të fitonte. Jo vetëm kaq, por Ferrari ishte më i shpejtë se Mercedes i Hamilton, që për asnjë moment nuk arriti të duelonte me makinën italiane.
Natyrisht që meritë për këtë sukses ka edhe piloti gjerman, që bëri një start fantastik, duke parakaluar Hamilton atëherë kur ai nuk e priste.
Lap 1, Turn 1 – all the angles ?#BelgianGP ?? #F1 pic.twitter.com/mo3dGx5Zi0
— Formula 1 (@F1) August 26, 2018
“Bëmë një start të mirë. Edhe pse Hamilton mbajti anën e majtë e dija që kur të niste pjesa e kodrës mund ta parakaloja, pasi aty makina fiton shpejtësi. Më pas, e pata të lehtë të menaxhoja avantazhin, pasi ishim më të shpejtë se Mercedes”, – tha Vettel.
Duke folur për garën, piloti gjerman shton: “Hamilton u përpoq shumë që të rihapte garën, por arrita ta mbaja pas, duke patur një ritëm konstant. Pata edhe fat në momentin e ndërrimit të gomave, pasi nuk pata trafik.
Ndërsa në fund Lewis u tërhoq nga ideja për të më parakaluar dhe fitorja u bë më e lehtë. Për mua dhe Ferrarin ky është një hap i madh përpara dhe shpresoj të vazhdojmë kështu edhe garën e ardhshme, në Monza”, – ka përfunduar Sebastian Vettel.
