Fejohet Eddie Murphy, në pritje të fëmijës së dhjetë

Aktori Eddie Murphy është në pritje të bëhet baba, por mes kësaj pritje të ëmbël, ai ka zyrtarizuar edhe lidhjen me modelen australiane Paige Butcher.

Përfaqësuesi për media i aktorit 57-vjeçar e konfirmoi lajmin për “UsWeekly”. “Daily Mail” shkruan se bukuroshja 39-vjeçare bjonde do të sjellë në jetë fëmijën e saj në dhjetor.

Modelja nga Australia njoftohet gjithashtu se është duke bërë blerje për fëmijën e saj të dytë që do të vijë së shpejti në jetë, e që do të jetë fëmija i dhjetë për Eddien.

Javëve të fundit gjithashtu u bë e ditur se fëmija do të jetë djalë. Paige dhe Eddie janë takuar që nga viti 2012 dhe vajza e tyre e parë, Izzy, ka lindur në maj të vitit 2016.