MENU
klinika

Investimet

Gjirokastër, nis restaurimi i kalldrëmeve

29.09.2018 - 13:15

Afro 140 milionë  lekë është fondi i mundësuar nga Banka Botërore i cili do të investihet për restaurimin e kalldrëmeve karakteristikë në Gjirokastër në kuadër të programit “Për Zhvillimin e Integruar Urban dhe Turizmin” që Fondi Shqiptar i Zhvillimit zbaton që prej vitit 2017 në bashkëpunim me Ministrinë e Infrastrukturës, Ministrinë e Kulturës, Ministrinë e Turizmit, bashkitë Berat, Përmet, Gjirokastër dhe Sarandë, si dhe aktorë të tjerë interesi.

Sipërfaqja që do të trajtohet është 5,290 m² dhe ndërhyrja do të prekë të gjitha rrjetet infrastrukturore nëntokësore: rrjetin e ujësjellës- kanalizimeve dhe rrjetin elektrik që janë ndërtuar në të njëjtën kohë me të gjitha ndërtesat rezidenciale të zonës rreth 60 vjet më parë. I gjithë rrjeti rrjeti inxhinierik nëntokësor do të ndërtohet rishtas dhe do të përfshijë edhe sistemin e mbrojtjes nga zjarri, ndricimin publik, telefoninë, etj.

Punimet tashme kanë nisur në Pazarin karakteristik i cilësuar monument kulturore i kategorisë së parë që u shpall pjesë e trashëgimisë kulturore botërore nga UNESCO në korrik 2005. Po ashtu për 8 sheshe projekti parashikon mobilim urban me stola druri, panele informuese, çezma publike, vendparkim për biçikleta,si dhe gjelbërim me lule e bimë dekorative.

Që prej ndërtimit të saj Qafa e Pazarit luan një rol të rëndësishëm socio-ekonomik për qendrën historike të qytetit të Gjirokastrës. Pozicioni i saj në qendër të qytetit, zgjerimet kompozicionale dhe aspekti arkitektonik-dekorativ i japin kompleksit një rëndësi të veçantë për llojet e pazareve në Shqipëri.

PZHIUT është një program që financohet nga qeveria shqiptare dhe Banka Botërore dhe ka për qëllim përmirësimin e infrastrukturës urbane, dhe nxitjen e turizmit për zhvillimin e ekonomisë lokale në bashkitë Berat, Përmet, Gjirokastër dhe Sarandë.Në fakt ajo që po i bën qytetarët e Gjirokastrës skeptikë në këtë drejtim,pavarësisht se kanë përshëndetur këtë ndërhyrje,është pyetja që me të drejtë ata ngrenë? Cilët do të ustallarët apo mjeshtrat që do të kryejnë këto punime?

A do të mund ti rezistojnë kohës apo kjo ndërhyrje do të ketë fatin e kalldrëmit pranë lagjes Varosh, i cili u restaurua disa vite më parë por shiu i parë i stinës së vjeshtës së asaj kohe nxorri në pah probleme të shumta e njëherazi cilësinë e dobët të punimeve.Rikonstruksioni i fundit që i është bërë rrugës me kalldrëm pranë zonës muzeale daton në vitet 1970 – 1974.

Rruga ka degraduar për shkak të mungeseës së mirëmbajtjes dhe riparimit. Gjatë ndërhyrjes do të riparohet 85% e gurëve ekzistues, ndërsa pjesa tjetër do të zëvendësohet me gurë të rinj me të njëjtat karakteristika.

Operacioni “Bregdeti Ynë"

IKMT shemb objektin pa leje në Orikum

“Shqipëria bëhet me tri hekurudha”

Balluku: Porti i Vlorës do të kthehet në port jahtesh

"Brenda 5 viteve do kemi autostradën Muriqan-Fier"

Rama: Do të ndërtojmë 4 porte turistike

Arrestohen 4 persona, mes tyre ‘koka’ e grupit

Goditet baza e prodhimit dhe trafikut të kanabisit në Sarandë