MENU
klinika

Dialogu Prishtinë-Beograd

‘Shqipëria të marrë pjesë në bisedimet Kosovë-Serbi’

14.09.2018 - 11:54

Ministri i Punëve të Jashtme të Kosovës, Behgjet Pacolli, u takua sot në Prishtinë me homologun e tij, Ditmir Bushatin. Në takimin e bërë, u diskutua për fazën përfundimtare të dialogut Kosovë-Serbi. 

Kam kërkuar që Shqipëria të mos jetë duarkryq në këtë proces por të jetë pjesë përbërëse e synimit tonë. Synimi ynë është dialogu me Serbinë. Shqipëria të jetë aty. Nëse mundet BE të jenë prezent dhe SHBA pse jo Shqipëria?!”, tha Pacolli.

Kreu i diplomacisë shqiptare, në vazhdën e takimeve me krerët e e politikës kosovare, gjithashtu ka takuar edhe kryeministrin e Kosovës, Ramush Haradinajn ku edhe kanë folur rreth zhvillimeve politike në Kosovë dhe Shqipëri.

kolana e librave

Kryeministri Haradinaj ka vlerësuar Shqipërinë për ndihmën e dhënë në proceset e rëndësishmme dhe shtetformuese të Kosovës, si dhe kërkoi mbështetjen e diplomacisë shqiptare për anëtarësimin e Kosovës në INTERPOL dhe në organizatat e tjera të rëndësishme ndërkombëtare.

Në takim u diskutua edhe për marrëveshjet e bëra nga të dyja vendet dhe për zbatueshmërinë e tyre në terren, si dhe për mbledhjen e ardhshme të përbashkët të qeverive, që do të mbahet në Pejë në nëntor.

Ministri Bushati përgëzoi kryeministrin Haradinaj për votimin pro liberalizimit të vizave për Kosovën nga Parlamenti Evropian si dhe shprehu gatishmërinë e shtetit shqiptar për të mbështetur Kosovën në proceset e saj integruese euroatlantike në të ardhmen.

VAZHDO TË LEXOSH MË TEPËR PËR TEMËN



Veç pensionistëve e bizneseve, pagë për punonjësit e marketeve...

Si e ndau paketën 170 mln euro qeveria e Kosovës?

“Jemi përqendruar tek COVID-19”

VOA: VV kërkon zgjedhje të jashtëzakonshme

Kosova nuk ka nevojë për 'mbinjeriun' e Niçes

Pse i kam kcye në qafë Albinit?

Kosovë/ Lëvizja do të lejohet në këto orare

Qeveria ndalon qarkullimin e automjeteve dhe qytetarëve