Ndoshta shumë prej jush do të jenë zhgënjyer nga njerëzit që ju rrethojnë, por mes tyre ka ende nga ata që kanë vlera.
Një prej tyre është edhe studentja 19-vjeçare nga Mançesteri, Ella Gilman dhe këtë e ka treguar me një veprim tepër human.
Ella bleu një palë këpucë, por ajo që gjeti brenda tyre e befasoi. Një zarf me 1 mijë paund ishte brenda këpucëve. Ajo nuk e mendoi dy herë, por kontaktoi shitësin dhe brenda gjysmë ore paratë u kthyen tek pronarin i ligjshëm i tyre. Laura Hazeldine ngeli pa fjalë kur Ella e kontaktoi atë për ta njoftuar se kishte futur gabimisht një shumë të konsiderueshme parash te porosia e saj. Pasi i kërkoi detajet e saj bankare, Ella i dërgoi paratë në bankë, 25 minuta më vonë. Laura tha se donte ta falenderonte publikisht dhe shtoi se veprimi i studentes e ndihmoi atë të besonte sërish në vlerat e njerëzimit. Laura i kishte kursyer paratë, por nuk kishte pasur kohë të shkonte t’i fuste ato në bankë. Kështu ajo i kishte fshehur paratë në një vend të sigurt në shtëpinë e saj, më pas kishte harruar ku i kishte lënë.
