Trupi i ekstremisti grek Kostandinos Kacifa me kërkesë të Prokurorisë së Krimeve të Rënda, është transferuar nga morgu i Gjirokastrës në drejtim të Tiranës për ekzaminime të detajuara nga mjekësia ligjore qendrore, drejtësia greke ndërhyn zyrtarisht në hetimin e çështjes.
Ndërkohë mësohet se motra e Kacifas dorëzoi pak me parë ne Prokurorinë greke kartën e identitetit greke të viktimës si shtetas grek dhe Prokuroria e vendit fqinj ka urdhëruar transferimin e dosjes hetimore nga Janina në Athinë, si krim i kryer kundër një shtetasi grek e madje i ‘shkallës së lartë’.
Me ketë veprim është hapur zyrtarisht dosja hetimore në Greqi për vdekjen e 35-vjecarit, ndërsa vijojnë dëshmitë e familjarëve.
Kujtojmë se ngjarja u zhvillua në këto rrethana:
“Në prag të zhvillimit të festes se Greqisë, e cila si çdo vit u organizua edhe në qendër të fshatit Bularat në Gjirokastër, të shtëna me armë tronditën zonën.
Policia, e cila ishte stacionuar në qendër të fshatit për mbarëvajtjen e festës menjëherë është nisur ne drejtimin nga janë dëgjuar të shtënat, ndërsa identifikoi edhe personin që qëlloi me armë.
Kostandin Kaçifa sapo ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.
Fatmirësisht nga të shtënat nuk ka punonjës policie të plagosur, por vetëm është thyer xhami i mjetit të policisë. Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin.
Shtetasi Kostandinos Kaçifa u fut në thellësi të fshatit ku forcat “Shqiponja” dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij.
Në ndihmë të shërbimeve të Policisë së Gjirokastër shkoi dhe nje helikopter i Ministrisë se Brendshme dhe forcat speciale RENEA nga Tirana, te cilat benee te mundur edhe lokalizimin e autorit.
Por pasi nuk iu pergjigj thirrjes se policise per t’u dorezuar, 35-vjecari qëllonte me armë zjarri, ndërkohë që mbeti i vrarë.”
VAZHDO TË LEXOSH MË TEPËR PËR TEMËN
Gjirokastër/ Trupi i Kacifasit ende në morgun e spitalit
Nëna e Kacifas mes lotësh: Pa djalin, se dua më jetën
E hëna greke/ Kaçifas ballina e çdo gazete
