Sindroma e tunelit karpal (STK) është një sëmundje ku një prej nervave kryesorë që kontrollon funksionin e duarve dhe gishtërinjve, shtypet në kyçin e dorës.
Rrjedhimisht nga ky dëmtimi i nervit shkaktohet mpirja e dorës, gishtave, therje të lehta si pickime e deri në dhembje.
Në latinisht fjala karpal, që vjen nga carpus – kyçi i dorës.
Disa kocka të holla formojnë dyshemenë dhe anët e këtij ‘tuneli’. Në këtë tunel kalojnë: nervi mesor që përcjell impulset e dërguara nga truri, nga krahu te gishtat.
Tendinat e muskujve mundësojnë lëvizjen e gishtave. Nervi mesor bën të mundur ndjeshmërinë e dorës, sidomos të gishtit të madh, gjysmën e dorës në pjesë e gishtit të madh dhe pjesën e jashtme të saj.
Ky nerv ka rol të rëndësishëm në lëvizjen e tendinave që përkulin gishtat.
Përveç simptomave të lartpërmendura, ka dhe të tjera që shfaqen gradualisht dhe ato janë:
• Humbja e shkathtësisë dhe forcës ngërthyese;
• Vështirësi në mbajtjen e objekteve në dorë;
• Dhembje në krahë dhe shpatulla;
• Ënjtje në duar gjatë natës;
• Dhimbjet e natës nga pozicioni në krahë, mund të jenë më të forta.
Edhe pse në të shumtën e rasteve nuk gjenden shkaktarët e STK, disa të tjerë janë të dukshëm.
Ato janë:
• Fraktura të kyçit;
• Dëmtime të ndryshme të dorës;
• Ndryshimet hormonale dhe çrregullime të tjera që sjellin mbajtjen e lëngjeve;
• Çrregullimet mjekësore që prekin ngushtimin e rruazave të kuqe të gjakut;
• Diabeti;
• Hipotiroidizmi etj.
Faktorë risku janë: duhani dhe obeziteti.
Sindroma e Tunelit karpal (STK) rezulton në më shumë se dy milion vizita mjekësore në çdo vit.
Rreth 260 mijë operime të tunelit karpal kryhen çdo vit në Shtetet e Bashkuara të Amerikës dhe 47% e tyre konsiderohen të shkaktuara nga puna.
Ky problem shëndetësor duhet të trajtohet siç duhet sepse mund të shkaktojë dëmtim të pakthyeshëm të nervit dhe paqëndrueshmëri. Rreth 17% e dëmtimeve konsiderohen të përsëritura nga sforcimi.
