Kosova
Ministrja e Integrimeve Evropiane, Dhurata Hoxha, ka deklaruar se nëse nuk sigurohet shumica e votave të nevojshme pro-liberalizimit të vizave në Këshillin e Ministrave të Bashkimit Evropian, atëherë votimi i paraparë në fillim të dhjetorit të këtij viti mund të shtyhet derisa të sigurohet qëndrimi pozitiv i shumicës.
Serbi
Shtetet e Bashkuara të Amerikës, Britania e Madhe, Franca dhe Suedia, janë duke u munduar të parandalojnë që në rend të ditës në mbledhjen e 8 nëntorit të jetë temë diskutimi gjendja në Kosovë.
Këto vende të fuqishme, sipas gazetës serbe “Novosti” janë duke u munduar që të ndalin çdo temë që ka të bëjë me Kosovën si dhe për formimin e ushtrisë së Kosovës, duke vepruar kështu kundër Rezolutës 1244, me të cilën parashiheshin mbledhjet në Këshillin e Sigurimit të Kombeve të Bashkuara.
Maqedoni
Partia më e madhe opozitare maqedonase VMRO-DPMNE, 23 Tetorin – Ditën e Luftës Revolucionare të Maqedonisë e priti me spastrime në radhët e saj.
Kryetari i parisë, Hristijan Mickoski nga solemniteti partiak kërkoi që të miratohet ligj për amnisti për pjesëmarrësit në ngjarjet e 27 prillit në Kuvend dhe sipas tij kështu do të ketë drejtësi joselektive dhe liri për të gjithë.
Serbi
Presidenti i Serbisë, Aleksandar Vuçiç, tha se ruajtja e paqes, stabilitetit dhe sigurisë për serbët në Kosovë do të jetë më e vështirë, pasi është gjithnjë e më e qartë se një zgjidhje kompromisi nuk do të ketë, për shkak të atmosferës në Serbi dhe Kosovë, por edhe faktorit të huaj që nuk dëshiron një marrëveshje.
Vuçiç për televizionin serb “Pink”, ka thënë se Kosova problemi më i madh i Serbisë drejt Bashkimit Evropian.
Maqedoni
Kryetari i Aleancës për Shqiptarët, Ziadin Sela, të mërkurën në një konferencë për shtyp tha se partia e tij do të dorëzojë ndryshimet në lidhje me plotësimet kushtetuese.
Ai tha se kjo nuk duhet të keqkuptohet nga qytetarët maqedonas, pasi sipas tij, ata do të kërkojnë që shqiptarët e Maqedonisë të kenë të drejta të barabarta me Kushtetutë me qytetarët tjerë. /Konica.al/
VAZHDO TË LEXOSH MË TEPËR PËR TEMËN
Votimi i vizave për Kosovën mund të shtyhet
A do të ketë diskutim në OKB për Kosovën?
‘Kosova, pengesa më e madhe për Serbinë në rrugën drejt BE-së’
