02.10.2018 - 12:14
Bledi Çuçi, bashkëkryetari i komisionit parlamentar të reformës zgjedhore, ka dhënë sot një prononcim për mediat lidhur me reformën.
Ai tha se opozita ka bojkotuar reformën zgjedhore, ndërsa mazhoranca do prezantojë javën e ardhshme draftin e saj për këtë reformë.
Lidhur me draftin, Bledi Çuçi tha se përfshin kërkesat dhe rekomandimet e bëra për reformën zgjedhore.
“Opozita ka bojkotuar reformën zgjedhore Javën e ardhshme prezantojmë draftin tonë për reformën që do i dorëzohet të gjitha partive.
Drafti përfshin kërkesat dhe rekomandimet e bëra me kontributin e ekspertëve gjermanë. Opozita ka bojkotuar komisionin, por shpresojmë t’i bashkohet”– ka thënë Çuçi.
