Janë disa sëmundje të mprehta apo kronike gjatë të cilave dëmtohen qelizat e mëlçisë së zezë dhe çrregullohet funksioni i tyre.
Nga këto çrregullime vuan jo vetëm organi i mëlçisë së zezë, por i gjithë organizmi i njeriut. Kjo ndodh se mëlçia e zezë është një organ jetik që kryen funksione shumë të rëndësishme.
Mëlçia është organi më i madh i organizmit dhe gjendet në anën e djathtë të barkut, nën brinjë. Ajo kryen shumë funksione si: prodhon tëmthin, vitaminën A, substancat për kuagulimin e gjakut.
Ato diagnostikohen vetëm nga mjeku specialist nëpërmjet analizave.
Sëmundjet e mëlçisë së zezë zakonisht kanë këto shqetësime:
Temperaturë;
Vjellje;
Helmime nga goja sidomos në orët e mëngjesit;
Dhimbje barku;
Gazra;
Diare;
Gromsira pas ushqimit;
Zbardhje gjuhe;
Këputje të trupit;
Pagjumësi;
Zbehje të fytyrës;
Urina ka ngjyrë të errët;
Formohen gurë në qese të tëmthit.
Për të sëmurët me mëlçi të zezë rekomandohen ushqime pa yndyrë: ushqimi të jetë i tretshëm, i lehtë, i pasur me vitamina. Të përdoren patate, zarzavate, perime, mish i zier pa dhjamë etj.
Disa mënyra tradicionale kurimi
Çdo ditë esëll në mëngjes 1 orë para buke pihet lëngu i 1 kokrre limoni dhe 1 lugë gjelle me mjaltë për 30 ditë.
Merrni 2 patëllxhana, pritini në 4 pjesë dhe ziejini me 1 litër ujë për 20-25 minuta. Pastaj kullojeni dhe pijeni 3 herë nga 1 gotë në ditë, para buke.
Merrni 30 gr lule basami, valeriane, kokrra kulumbrie dhe rrënjë çikoreje. Të gjitha grimcohen dhe përzihen. Nga ky kombinim merrni 3 lugë gjelle dhe përvëlojeni me gjysmë litri ujë të sapovaluar. Ena mbulohet me kapak dhe lihet 8 orë. Kullohet dhe pihet nga 1 gotë e vogël uji 3 herë në ditë, para ushqimit i pa ëmbëlsuar. Mjekimi vazhdon 7-10 ditë rresht.
VAZHDO TË LEXOSH MË TEPËR PËR TEMËN
